質素致上 AAW Z06

新加坡品牌 AAW 於8月音響展用呢對新機Z06 再次打入香港市場，引起燒友關注，今次Z06用上兩圈四鐵三分頻既配置，兩鐵做高，兩鐵做中，要低音用兩隻6mm圈對住放做低去減少失真，當中更有旗艦技術「BassFlow 氣流壓力系統」去舒緩耳道入面既壓力，等你長時間使用都唔會太攰。

訊源：Lotoo PAW Gold Touch Titanium（鈦菊），Sony DMP-Z1（索六萬），心境 R1 老鼠尾

耳膠：Acoustune AET 07/08

測試歌曲：鬼滅の刃 オーケストラコンサート～鬼滅の奏～ 無限列車編 ”煉獄の戦闘～其ノ壱 / 煉獄の戦闘～其ノ弐”，宇多田光 Distance “Addicted To You”，AGA Agatha “CityPop”

聲音表現方面 Z06 屬平衡雜食型，擁有高動態、高分析力，聲音質地具小許顆粒感。低音方面量不算特別多但有足夠下沉同彈性，由其夾索六萬時個種深潛而有衝擊力，十分討好。人聲同音場都中規中矩，冇特別調音或個性，音場大小亦適中。

配上 Effect Audio Code 23

如同以前既測試，整體聲底冇變，質素上再提升，結像更清晰立體，人聲嘴型收細左小小，更確立咁係前面唱。

配上 BSA 6絞綠白

Z06 聲音更準確，層次更分明，細節突岀而不太過份，保持到原有聲底而提升分析力。

配上 BSA 液氮高純度銅鍍金

Z06多左一絲微暖，高音幼滑，低音量增加，低音回彈力強，音場更開場，人聲帶微微甜感。

總結

AAW Z06 適合聽pop, rock 等類別，夾機方面算幾易玩易搞，用不同訊源都有岀到佢既「基本功」但同時聽到前端比到你既音色同音質差距，呢個價位中絕對值得留意。