低音陷阱 Dunu DaVinci

Dunu 達音科近期與著名YouTube Channel “Gizaudio” 合作推出新作品 DaVinci。耳機用上兩圈四鐵五分頻既設計，10mm同8mm生物震膜動圈負責不同頻段既低音，兩粒鐵做中，最後就一粒高同一粒超高，全自家動鐵。而每個分音都有獨立導管輸出，確保輸出嘅一致性。

訊源：Cayin N7，Hiby R8 ii 

耳膠：Acoustune AET 07/08

測試歌曲：Nils Lofgren Acoustic Live “Keith Don”t Go(Live)”，Bohemian Rhapsody OST “Killer Queen(2011 Remaster)”，Dire Straits Brothers in Arms “Brothers in Arms”

聲音着重低頻部份，量夠、打擊力強、下潛深而不肥，同時低頻解析力足，好易感受到鼓皮跳動、結他弦聲等係低音域既細節。其次在於樂器尾音延伸長，易於聽到每件樂器既存在感。所以整體表現唔會因為低頻而蓋過中高既細節。而音場同人聲屬價值之中既表現，唔差但冇乜亮點。

配上 Effect Audio Code 23

如同以往聲底不大變化而質素有所提升，低音更有打擊感，中高細節更岀，同時樂器既結像更立體、音場更為完整。

配上 BSA 「閃令令」

呢條絕對驚喜，三頻既層次豐富左唔少，分析力高左而人聲更多了份水潤感，整體全面提升。

配上 BSA 液態氮銅鍍銀

低頻層次感更豐富，整體多左份厚度，音場都拉闊返小小。

總結

Dunu DaVinci 有豐富既低頻變化而收放速度都夠快，非常適合聽外國流行曲等有節奏既音樂。同時DaVinci 唔算話十分難推，不過係夾機既過程中我用相對較厚聲既R8 ii 會有更豐滿既低頻能量同質感，十分過癮。