耳機界的三一萬能俠 KBear Tri i3

Date: 28/2/2020

耳機近年發展技術之快,快到用家都追唔到,由玩左多年既動圈,及後出現既動鐵,繼而出現壓電,平板,甚至將動圈鍍上不同塗層,總之無論國內品牌,定國際品牌都好,新技術不斷在一對又一對新耳機中出現,今日同大家傾下一對集動圈、動鐵同平板三種不同單元於一身的KBEAR TRI i3 .


包裝

包裝並唔係我在耳機上太重視的環節,除左買之前同開箱果一刻興𡚒之外,大部分同包裝有關的應該係配件,簡單講都係有個靚袋,有齊不同尺寸既耳膠同耳綿,跟機線無講咩物料,不過不失啦,整體來講整個包裝係可以的,絕對唔係一般內地常見包裝,有大品牌感覺


耳機本體


耳機

耳機本身用左3種唔同特性單元組成,分別係10mm平板振膜、動鐵(官方無資料提供)及一個8mm 動圈,都包住係鋁合金外殼入面,接口用左MMCX,講下我試之前已經聽緊BS Audio既SUPER4,分析力已經好好,好滿意,亦聽過TIN HiFi P1呢對平板,對平板聲亦有概念,所以唔會因為佢有好既分析力就覺得驚為天人,因為呢種聲本來係平板應有,咁有咩吸引到作為編輯,都認為要入番對呢,呢個重點亦可算係呢對耳機的魅力所在。


內部結構 (圖來自官網)


特點

一般平板單元可以令到高音延申同瞬態表現出色,而動鐵係令到細節位,分析力,呢兩部分能夠滿足喜歡中高同分析力的愛好者,但難得TRI i3 能夠提供埋”箱音”,大概係有木箱喇叭既聽感,而且有一定力水的低音,低音係充滿彈性,聽大提琴同鼓就好正,人聲方面唔算厚,佢唔係女聲亦唔係男聲向,唔貼耳,但聲音好實在,口水聲,呼吸聲呢啲唔會小左,剛剛好,同樂器夾得埋唔會鬥搶,三頻中佢低音比較出,音場唔算闊,定位都準確,幾有影音展細HALL聽坐地感覺。


調音

我自己好鐘意呢對有三種不同單元的耳機,佢唔係堆料,而係真正能夠將三種唔同單元的特性都發揮到,耳機線方面今次試夾左唔小線,最後我㨂左BS Audio既22Awg 極粗純銅2.5平衡頭,表現上,低音可以收實番小小,高音唔會暗左,耳膠我用左AT08,試過Final type e、JVC++同Spin Fit都唔夾,呢個價位可以有呢個聲,我覺即使係小預算玩家既你,更加要入,之後可以省唔小。


小弟現時setup


結論

除非你係女聲既愛好者,否則呢對耳機已經可以應付不同曲種,當中Jazz係推薦既,要留意佢有平板單元,用手機推可能表現未能發揮出應有水準,DAP就多數無問題。


後話

今次評價到呢度,日後再有心水耳機選擇,到時再同大家分享。有已經入左呢對耳機既師兄亦歡迎大家交流下,28review 就係一個好好既交流心得地方。


購買或查詢:
Show Time Inc., Limited

About Zingy

28Review主編 樣樣想試,樣樣想玩,人工低果下慘,唯有用有限錢夾出自己喜歡的靚聲

發佈留言

發佈留言必須填寫的電子郵件地址不會公開。 必填欄位標示為 *