KZ x Angelears 天秤座 Libra

要數到近期抵玩嘅入門$200左右耳機，天秤座係一個唔錯嘅選擇嚟㗎，KZ一向以多型號選擇吸引玩家，喺呢度分享吓個人嘅聽感。
KZ今次天秤座係有兩個型號分別係均衡版同埋高解析力版版，兩對我都試咗，個人比較鍾意高解析力版版。但比較多人鍾意嘅係均衡版，可能佢三頻上呢都比較平均，暖底得來亦都唔過分，啱聽一般流行同人聲為主既音樂，如果好似我個人鍾意交嚮，Jazz呢類對分析力要求比較多嘅音樂，就應該揀高解析力版版。而且兩對價錢分別都唔係差好多，兩對入曬都唔過分。
配搭方面首先因應返本身你用咩嘢player？譬如用AK嘅可能就夾均衡版，但如果你用山靈呢類比較暖底聲嘅player，就不妨試高解析力版，兩種夾法，都有唔錯表現，至於夾線建議方面，入門級我會建議用廋佬新出嘅紅白線，另外之前如果有玩家入咗廋佬條液態氮，都係一個唔錯選擇，夾好之後表現，甚至我覺得相對＂水母＂同埋＂黑龍＂，天秤座喺三對之中嘅表現都係比較好嘅。