熱情如火的美男子 Qoa Adonis New

事源見赤道戇狗大大分享呢對Queen of Audio (QoA)  Adonis New 而且評價好似唔錯，我當然都跟風入手順便同大家分享下啦！Adonis New 係一圈兩鐵、三分頻既配置，用上9.2mm 銅環鈦膜動圈做低頻，Knowles 動鐵做中頻，QoA自家動鐵做高頻，配上5N 銅鍍銀線材，紫色既穩定木外殻，外觀十分搶眼。

訊源：Cayin N7

耳膠: Acoustune Aet 07/08

試聽歌曲：Air “Sexy Boy”，川井憲次 七劍OST “Victory”，黃凱芹 Kings Cross 天王時期 “用一首歌的時間懷念你”

聲音方面，Adonis New 主打中下盤，有好強勁既低頻沖擊力，雄渾有勁，有某些歌曲直頭打岀比原有更多的低音，聽七劍等需要氣勢既歌時能營造岀沉浸感，而中頻厚實，聽結他特別有質感，高頻相對較為圓滑，不過對於我黎講滑得滯🤣，換線幫助大。

配上Vortex Cables Eddie Squared

先不論聲音，撘配上同以紫色為主調既Eddie 2外觀已經非常煞食！而聲音主力進步位於對中頻既宣染，加強了人聲、樂器既質感，多了一份模擬味，同時收緊左低音部份既線條，令低頻既分析力都好左，十分夾配。

配上effect audio Code 24

同以往測試一樣，整個音場既縱向深度加深了，結象同定位都好準確咁聽到，不過在Adonis new加多返小小高音，令到聽某啲歌係原裝線有小小高音唔夠既情況完全補足返。

配上 Pwaudio Eddie Hsueh 

音色冇乜點變，但三頻更為平衡，分析力提高，線條亦收緊了小小，係一個提升質素而聲底不變既組合。

總結

QoA Adonis New 作為相對有個性既耳機，適合聽男聲、EDM、氣勢強橫既OST等。同時Adonis New 需要一定推力去推致三頻平均，唔夠力會覺得得份低音，蓋過成份中高。最後入手 Adonis New既朋友記得煲下先，煲左頭數十小時左右已經差好遠。