Eddie 大神的認證 Vortex Cables Eddie Squared

近期香港大熱的「爬山繩」升級線代表Vortex Cables推岀與Eddie 大神聯名制作的耳機線 Eddie Squared （下稱Eddie²），以台灣單晶銅線基為基礎，再用上以旗艦線Lavinia 為藍本的Golden Ratio 結構，達致黃金比例線材。加上使用ConX 插針，令大部份耳機都能使用。

訊源：Cayin N7

測試歌曲：Radius “傳說”，王靖雯”如風”，Yoasobi “あの夢をなぞって(Ballade Ver.) “

聲音方面Eddie² 有一定音染但不會喧賓奪主，微暖、小小慢聲，對中高收滑左唔少，有奶油感。此外，Eddie² 非常着重於對人聲既描繪，厚潤，嘴型十分十分細膩，企係較前既位置，每個咬字都好清晰咁係你面前既感覺，特別聽啲舊小小既廣東歌十分討好。音場同人聲既比例幾好、幾開揚，背景亦受惠於良好嘅屏蔽而相當寧靜。

配上Sony ier-z1r 

z1r 自身有一定的HIFI感、鬆容感，再夾配Eddie² 整個音色極濃厚，加強了z1r自己個種油膩感，人聲圓潤，整體擴散開去非常有聽大耳牛之感覺。

配上 瑞弦 PB10

本身PB10就係人聲毒物，加上Eddie²既幫助，成件事毒上加毒！人聲企係中間位置，不近不遠，嘴型極像真，所有口水位同換氣位都好清楚咁聽到而唔會好夾硬，有煙韌感。

配上BSA Super 1 plus

換上S1plus，人聲企係較前但未到奶面既位置，原本較大既口型收細左小小，聲音更有厚度，整個構圖仍然好飽滿。

總結

Vortex Cable Eddie Squared 係一條着重人聲韻味既線材，中頻質地好、有厚度，聽Jazz、八九十年代廣東歌等十分適合。