低調勇士 PW Audio X Eddie Hsueh

今次真係要先多謝28之友「星爺」借岀，先有機會同大家分享呢條比人買斷貨再炒賣既 PW Audio X Eddie Hsueh。呢條線既資料唔多，只係知用上OCC 單晶銅做線芯，再包尾龍網，限量100條。不過既然都係同Eddie 合作岀款，我相信品質有返一定保證！

訊源：Cayin N7，Sony Wm1am2

測試歌曲：古巨基 維多利亞 “亂世情侶”，曾比特 Mike “初戀”，米津玄師 Lemon “Lemon”

聲音方面純潔、純正，背景靜，微暖。人聲部份同都係Eddie 有份做調音既Vortex Cable Eddie Squared 有小小似，有音染、聽女聲帶甜感，但冇咁奶油感。而整體線條會修飾得相對柔軟，亦唔係啲能量好強既線，所以會不自覺地扭大左個音量。

配上 Simphonio 瑞弦 PB10

呢個組合會將平時好響亮既高音收得好滑，但唔會話唔到/唔夠。加上本身PB10既人聲有一定毒性，兩者配合有好好既空氣感，非常有趣既配搭。

配上 QDC X Fitear Superior EX

又係一個人聲毒物既組合，不過同PB10唔同既係Superior EX 會有更加深既人聲刻畫，對口型等細微表達得好到位實在，但就冇PB10既空氣感同背景細節都較弱，不過始終價位有別。

配上 BSA Super 1 Jr

令到成隻圈有更穩定既發揮，人聲修飾得較為細緻而有煙韌感，背景細節淡定自然咁流露岀黎，低音部份更好似有層氣墊咁彈下彈下，十分過癮且有驚喜既組合。

總結

Pw Audio X Eddie Hsueh 係一條柔和、有小許音染但不算難夾機既線，不同配置既耳機都夾到，聽Jpop、CantonPop 等大路流行曲都好聽，更會修補到啲冇咁好既錄音，聽起上嚟更順耳。