28review
日本Fitear 相信不少燒友已經久仰大名，以人聲毒物而聞名，不過今次新岀既Imarge 就強調沉浸感，以準確定位為基礎用上2粒靜電做超高，另加2粒鐵做全頻，而海外版更用上007做原裝線，期望做到自然而宏大既空間感。
訊源：Lotoo PAW Gold Touch Titanium（鈦菊），Sony DMP-Z1（索六萬），Astell & Kern Kann Cube
耳膠：Spinfit W1
測試歌曲：米津玄師 Kick Back “Kick Back”，任劍輝 / 白雪仙 帝女花 “香夭”，大佛普拉斯 OST “紅木桌下的秘密”
聲音方面偏中性而具廣闊音場，分離度十分高，件頭分明到「數毛毛」級數，但有趣既係佢唔會話好有線條、好硬既感覺，相反仲帶點柔和美。而人聲部份相信係不小朋友留意Fitear 會着重既點，Imarge 雖然冇同廠既334/335咁有甜感但偏清爽、細緻，高頻延伸同密度受惠於靜電單元，絕對夠用。
**因為今次冇Fitear專用頭升級線，唯有講下Imarge 夾不同器材既表現。**
夾配鈦菊
相當好聲！因為原線為3.5插，夾中鈦菊係人聲既強項，岀到黎密度同好高而且有厚度有感情。音場雖然冇用4.4咁闊，但本身對機都有返咁上下所以都夠用。
夾配索六萬
表現完全合乎預期，聽返曬個種寧靜嘅背景，人聲水潤而靠前，但不會有壓迫感。整體能量好飽滿有力，成個場面有分離度時又填得滿。
夾配kann cube
呢個組合岀到黎好日系，柔和、中高頻密度好高，分析力向，速度快。
總結
Fitear Imarge 適合聽Jpop、音效為主導既音樂等。不過Imarge 不足在於低頻位置，重質不重量，質素絕對係到，屬有分析力既低音，但量就唔好期望啦。不過整體人聲清爽同高音場還原度實在令小弟讚嘆能夠用咁少單元做到呢種效果。
P.S 日本版同海外版配既原裝線不同，用我模糊嘅印象記得日本版個人聲仲會冇咁貼，再中性啲同樂器線條會結實的
