白色珍珠 Meze Audio ALBA

作為羅馬品牌既Meze Audio一直以性價比高為目標岀過不同既入耳式耳機，先有圈鐵既rai penta，再有單圈Advar，兩對都係屬中價位，而今次更推岀入門級產品ALBA，以Advar 外殼做藍本，再用上自家10.8mm 動圈單元，更轉用大家喜歡的2-pin插針，方便玩線～

訊源：Cayin N7，Sony WM1Am2

耳膠：Acoustune AET 08

測試歌曲：陳蕾 念 “念”，森口博子 Gundam Song Covers 3 “翔べ！ガンダム”，劉美君 Love Addict “你把我灌醉”

聲音方面以自然為主調，音場唔算深，細節足但不搶耳，好似係後面滲岀黎咁。而人聲特別係呢對機既特色位，綿密有感情有厚度，強調自然，夾配新黑時溝埋「索尼味」更有一份甜美感，連呼吸等弱音細節都表露無遺，非常夾既一個組合。

配上 Effect Audio Code 23

成件事有不小進步位，首先整個結像更具體化，音場有深度了。其次能量感多了，三頻既質地更實在、平衡地提升而不改變原有聲底，表現出身價以上的表現，唯獨「妹仔大過主人頭」😆

配上 PWaudio Eddie Hsueh 

黎返身價接近既線材，呢個配搭能夠保持到ALBA原有既自然度而背景既訊息量因為夠靜容易聽左、多左好多。

配上 BSA Monster 

自然度大增！本身monster 都係走清新、自然路線，加埋ALBA都係，成件事已經好夾。不過中高音會相對突出，量多左，但不刮耳，就睇口味上用家會唔會中意。

總結

Meze ALBA 適合聽流行歌、Hifi 翻唱歌等人聲為主既音樂。另外ALBA原裝會跟一條type-c 去3.5既dac仔，都岀到上述6-7成既功力，由此證明ALBA唔算難處理、不須太大推力，而換線既影響有但不算大對比其他耳機，好多線都夾到，偏向易玩。