大家好,今次為大家帶嚟最新嘅作品,Nova. 話說今次我由網上購物平台推出嘅第二日,即係17號已經落訂,結果一直拖到月尾先至發到貨俾我,以往都係大約一個禮拜到就去到我手上,今次算做等得有啲耐。不過我可以好肯定咁講,今次嘅等待都係值得嘅。而家馬上上圖先。
=====================我是分隔線=========================
包裝同以往嘅產品一樣都係有精美嘅盒繪,包裝嘅背面一樣都係有耳機嘅響應頻率曲線圖。
內包裝都係以黑色為主調,打開之後就可以見到耳機本體同唔同嘅配件。 可以見到今次跟付嘅耳塞種類比起以往更多,除咗有矽膠套同耳棉之外,今次額外仲有兩個尺寸嘅兩套耳膠。除咗耳膠以外,今次收納袋亦有變化。類似皮革質地製成嘅拉鏈小包,入邊裝住四絞單晶銅耳機線,已原裝設定嚟講,空間尚算充足。
嘅時候講講今次嘅主角,NOVA耳機本體。耳機主體整體以樹枝進行3D打印。 面板類似於前作ZERO,但係更加有層次感,亦都非常之反光,十分吸眼。耳機康體採用黑色主料,但係不足以透明到觀看內部結構。 於2pin 母座開咗四個小窿,對聲音嘅表現有個良性嘅影響。耳機管道嘅末端有個凹槽,除耳機之後就唔使咁驚粒耳膠留咗喺耳度入邊。
今次亦都要提一提條耳機線,今次嘅耳機線係編織嘅四絞單晶筒。同之前嘅耳機附帶嘅線係完全唔同嘅,都係一樣祖傳嘅3.5 mm(到嚟到依個價位仲係未有4.4 mm俾人選擇購買,呢樣嘢真係要改善吓)。耳掛方面做到十分之’細小’,起初以為會好難戴上耳,而且會成日甩。但係用先至至一大好咗之後呢個形狀嘅耳掛唔會令到耳機揈嚟揈去或者移位。
接下來嘅時間就大概咁講一講個人嘅聽感,手上有嘅設備隨便咁樣攞咗一下Sony WM1ZM2, DMP-Z1, LUXURY & PRECIOUSION P6PRO 就配合ORIOLUS BA20 上機試用。 新金磚嘅3.5mm,開左high gain嘅情況下,依然不足發揮呢隻耳機原本嘅實力。呢隻耳機嘅版面數值雖然係阻抗值14.8 Ω +/-15% @1 kHz,靈敏度123 dB/Vrms @1 kHz,但係實際使用起上嚟亦都係比較食推力嘅。 喺推力足夠嘅情況下,呢隻耳機俾人嘅第一印象就係好高嘅分析力。相比起前作 HEXA,雖然只係多咗一粒動鐵單元,但係細節就多咗不少。除此之外佢嘅高頻亦都冇HEXA嚟得咁刺激,前作所缺乏嘅低頻亦都補上,結實而有力,相比起ZERO係比較少嘅。但係帶出嚟嘅效果就十分舒適,再加上每邊耳機母座隔離開咗嘅四個洞,使得聲場相當廣闊且自然。以149.9 USD嚟講,的而且確可以話冇乜對手。以原裝線嘅配合下佢亦都有唔錯嘅表現,前提係要有足夠嘅推力。
再簡單咁講吓少少線材嘅配合,以我而家手上嘅線材嚟講,大水喉嘅配搭的確唔錯。再多少少細節,人聲足夠靠近,成像正常,聲場保持廣闊。個人私心配合DMP-Z1,喺足夠嘅推力下,Sony嘅調音十分適合聽日系ACG,啱晒我口味。
總括嚟講,由於依啲唔同嘅優點,呢隻耳機我都係十分推介嘅。呢隻耳機暫時代表着Truthear最好嘅產品,佢嘅表現亦都暫時超越同價位嘅其他競爭對手,不過想喺香港第一時間買到最新嘅行貨就比較難,剩係得水貨可以選擇仲要網上平台自己去購入,仲有冇得試。盲沖有風險,我都係攞住149.9USD搏一搏嘅心態,睇吓可唔可以變摩托。有緣見到而你又對依隻耳機有興趣嘅話,不妨可以試聽一下。
|