TANGZU 唐族 哪吒 動鐵駐極體PTZ 耳機

TANGZU 唐族 NEZHA 哪吒 動鐵駐極體靜電耳機
上市時間 11月2023年

好靚呀，等到貨試吓先

呢隻唔平,最少要$29xx.

呢對好嘢唔使多介紹

標價2千幾，重以為係聲揚一拖二靜電單元，點知原來只係平價耳機常見o既駐極壓電，睇黎呢次唐族唔玩性價比，改走蔗渣材料、燒鵝價錢路線。

不過個樣真係幾靚下，就點都可以黎個外表調音，d聲係點，都未必咁重要。

陽光開朗大男孩 發表於 2023-12-2 21:58
標價2千幾，重以為係聲揚一拖二靜電單元，點知原來只係平價耳機常見o既駐極壓電，睇黎呢次唐族唔玩性價比， ...

駐極壓電同聲揚一拖二靜電單元完全兩樣嘢喎

用眼睇規格就唔吸引

周申恆 發表於 2023-12-2 23:37
駐極壓電同聲揚一拖二靜電單元完全兩樣嘢喎

靚女何需內在美，持靚行兇打橫嚟.

如果你問我賣2千尾幾既靜電，我第一時間會想起Dunu隻EST112又或者水月雨隻變奏曲。所以如果哪吒定呢個價錢，大家就會期望有番對應既聲先會收貨。

但哪吒只係用駐極壓電，而EST112同變奏曲係用聲揚一拖二靜電單元。雖然兩者係定義上都可以叫做「靜電單元」，但硬件性能上既差距都真係幾大下，要彌補個差距就要有黑科技技術先得。

耳機始終都係以聲論價，一切都係耳聽為實，聽完真係好好聽既話，用乜野單元又其實無乜所謂。

完全同意，靚聲先至最重要，樣靚算係bonus，真係要試過先知

leungleung1234 發表於 2023-12-3 09:27
如果你問我賣2千尾幾既靜電，我第一時間會想起Dunu隻EST112又或者水月雨隻變奏曲。所以如果哪吒定呢個價錢 ...

起初唐族公佈係1壓電+ 6 BA單元！不過而家代理開賣英文譯名為駐極體靜電單元，以我嘅認知呢粒單元即係SPEAR LABS TRITON 1 入面果粒名為 ACT Magneto-Static 嘅靜磁單元！簡單D講即係駐極體靜電復合動圈，同時具有靜電高頻特性同動圈嘅低頻特性！比起Sonion聲揚高頻靜電一拖二單元絕對易推好多，但高頻靜電味／飄逸感明顯就比唔上！

leungleung1234 發表於 2023-12-3 09:27
如果你問我賣2千尾幾既靜電，我第一時間會想起Dunu隻EST112又或者水月雨隻變奏曲。所以如果哪吒定呢個價錢 ...

不過睇相入面又唔似10mm複合！比較似7.1mm單駐極體靜電單元為多！耳聽為實…好聲岩聽其實用乜單元都無乜所謂吧

leungleung1234 發表於 2023-12-3 09:27
如果你問我賣2千尾幾既靜電，我第一時間會想起Dunu隻EST112又或者水月雨隻變奏曲。所以如果哪吒定呢個價錢 ...

師兄,想請教dunu 及 水月雨兩隻靜电耳機,你個人覺得誰勝誰負,声音風格有甚麼不同,謝謝！

尼對耳機用嘅 駐極靜電圈 係咪又係KZ之前用過嗰類 駐極壓電圈？

Lee 發表於 2023-12-3 12:49
師兄,想請教dunu 及 水月雨兩隻靜电耳機,你個人覺得誰勝誰負,声音風格有甚麼不同,謝謝！ ...

呢兩隻我覺得相同級數，只係調音上分別唔同，我覺得無話邊隻贏邊隻。

誰明浪子心 發表於 2023-12-3 13:53
尼對耳機用嘅 駐極靜電圈 係咪又係KZ之前用過嗰類 駐極壓電圈？

睇圖的話我覺得似之前bgvp zero用個粒，bgvp zero 當時雖然價錢唔貴（淘寶價大約500幾），但表現唔算特別出色，所以比較少人討論呢隻耳機

Kaleong1981 發表於 2023-12-3 12:27
不過睇相入面又唔似10mm複合！比較似7.1mm單駐極體靜電單元為多！耳聽為實…好聲岩聽其實用乜單元都無乜 ...

師兄講得好岩，好聲岩聽真係唔駛理係用乜單元。

至於哪吒粒駐極體靜電單元，我都同意你所講似係7.1mm個款多d，如果睇Aliexpress上面個介紹，靜電個part佢話係1 PZT Driver，而PZT Driver之前有d耳機都有用到。是但舉例既話，比較多好評既NiceHCK 隻 NX7 MK4就係用呢種「壓電單元」。

講開又開，隻MK4個配置都唔差，佢係雙動圈 + 4動鐵單元 + 1 PZT 七層壓電陶瓷單元，最難得壓電做得唔錯，價錢亦唔貴，我記得就算行貨都只係賣800蚊左右，論性價比絕對一流，可惜我唔鐘意個面版無入到手。如果當時MK4用哪吒個隻面版，我就一定忍唔到手入番一隻。

比師兄提醒今日攞返對NX7出嚟聽又幾好聽喎，未有得試就聽住先

有冇師兄入咗手？有咩配線推介？