本帖最後由 Zingy 於 2022-9-20 18:06 編輯
28Review開新討論區 ，瘦佬話不如出下文，撐旺個場啦，咁我當然唔會托手踭，諗諗吓不如講吓耳機升級線都好喎。
BSA最出名就係耳機升級線，相信好多師兄都已經體驗過，真係又平又抵玩，我自己都入左唔少，亦從中得到唔少夾線經驗，由最初嘅銅線，單晶銅、無酸銅，跟住純銀，然後石墨烯、合金、甚至近期銀鍍鈀等唔同嘅物料出現，令到手上耳機調音都可以越來越多變化。
我比較鍾意BSA嘅線就有條叫22w嘅粗銅，拖肥，怪獸線初代，另外仲有法國佬，大白蛇，仲有唔少得前排大受歡迎嘅4810，全部都CP值高到懷疑人生，利申番，個人係鍾意高分析力，高清晰度嘅調音結果，對於部分太過厚聲嘅線，我就唔係咁啱，但音色既野各有所好啦。頭先我提過果幾條線，有興趣或者聽感相近嘅師兄，都可以入嚟玩下。講新野當然嚟緊新嗰條旗艦，一定要講下，始終試過條版之後，覺得好多方面相比自己手上既線，都明顯有提升到，主要係三頻好穩定，音場闊同好有立體感，甚至覺得條線都幾百搭，所以BSA呢條旗艦大水喉，我已經訂咗，出文之日相有部分師兄都享受緊，我自己果條就暫時未到手，希望到手之後，再分享個聽感。
開場文我就分享到呢度，唔知你哋又會對過往玩過邊一條瘦佬BSA線，係你哋好有印象或者最鍾意嘅，夾咩耳機最完美，不妨分享吓心得。順便一提，呢度係唔比討論其他牌子線嘅，管理員唔比出文 ，米話唔提醒。
|
評論33
贊0
等我得閒再試吓夾唔夾 啲平板耳機先
