Unique Melody MAX 簡單開箱＆初步聽感

大家好，我喺度祝大家聖誕快樂先。又到咗每年最後尾一個月嘅時候，明明已經決定咗今年要收手，留返啲彈藥下年再戰嘅時候，Unique Melody突然間喺年尾放一隻全新嘅耳機，仲要喺香港限定數量版本，真係令人防不勝防。平日開TRUTHEAR就開得多，今日為大家帶嚟Unique Melody Max嘅開箱。特別鳴謝MY WALLET嘅全力贊助。食樹皮lolololo.....



=====================我是分隔線=========================










可以打開外包裝之後，映入眼簾的係另一個藍色紙箱包裝。喺藍色紙箱入邊就會有我哋今次嘅主角，用白色布袋裝住嘅耳機盒，入邊嘅耳機本體。底層有一個抽櫃設計，用作擺耳機嘅配件同埋保用證。入邊會有兩套唔同材質嘅耳膠，一組濾網同埋眼鏡布。






打開耳機收納盒，耳機本體就會有不織布網袋入住以作保護，以及由Erua Audio為UM所訂製嘅OCC銅線芯線材。耳機主要嘅色調為黑，紫碳纖混色，配搭呢條耳機線十分合適。主要聽感方便會喺接下來嘅篇章簡單敘述一下。

簡單講一下呢隻耳機嘅背景，今次嘅Max係由Maverick III、MEXT及MEST的特性融合而成嘅作品。分別由1 粒OBC線圈式骨傳導，1 粒低音動圈，4 粒中高音動鐵單元同1 粒靜電單元構成嘅。如果同mest 2 或者mest 3相比嘅話，max嘅單元數量係比較輸蝕嘅。但係今次廠方強調嘅並非單元嘅堆砌，而係調音同線路配置嘅成熟設計，所以聽起上嚟呢隻耳機嘅音色俾人嘅感覺係較為完整嘅。


雖然佢並不是mest系列嘅作品，但係我手頭上只有Unique Melody MEST MKii HK Special+，咁唯有唔公平地作出下比較。Max俾人嘅感覺係低頻非常紮實，雖然兩者都係骨傳導單元，但係Max嘅OBC線圈式骨傳導卻能夠帶嚟更大嘅衝擊感及氣勢。中高頻並冇暴走嘅跡象，聽落去非常舒服，並冇一啲尖同拮嘅感覺。人聲方面由於係啱啱開機完全未run-in過開聲，表現得比較冷，但相信run in 500小時後會有更佳嘅表現。除此之外，呢隻耳機亦都十分容易驅動。金磚2已經可以好好地發揮呢隻耳機，如果聽日系歌曲嘅話，Sony嘅調音亦都十分合適Max。

一般嚟講，我好少會用原廠線，但係今次嘅線材配搭表現理想。喺唔換線材嘅基礎下已經有不俗嘅表現，再加上我手上嘅線材亦都唔太配合呢款耳機，喺run in後真係要落一落28mart試吓線先至得。
整體嚟講同之前幾個系列嘅走向有稍為不同，max作為一款新嘅旗艦系列，即使單元數目有所縮減，價錢有所上升，都能夠帶來正面，新嘅體驗。

=====================我是分隔線=========================

其實本身仲有好多比較雜亂嘅嘢，想講嘅關於依隻耳機，但係又唔知道點樣表達比較好，如果星期六有機會撞到，咁啱我又有帶嘅話歡迎試聽吓同交流交流。

坐等Andy 哥過嚟分享

試過真係同師兄所講原裝線暫時應該係最夾,不過好彩呀Joe有大把線,嚟緊重有新線比你試,睇怕今年師兄都係停唔到手啦

呢隻的確好聽啊，最難得係咁多種唔同單元放埋一齊d聲都無炒車，但唯一問題係要夾前端，稍為大力少少既DAP d聲就會粗。

Jpwinson 發表於 2023-12-24 08:30
試過真係同師兄所講原裝線暫時應該係最夾,不過好彩呀Joe有大把線,嚟緊重有新線比你試,睇怕今年師兄都係停唔 ...

今年要收手啦，入得太多貨，就黎連樹皮都食唔起啦

leungleung1234 發表於 2023-12-24 11:04
呢隻的確好聽啊，最難得係咁多種唔同單元放埋一齊d聲都無炒車，但唯一問題係要夾前端，稍為大力少少既DAP d ...

暫時最夾嘅係控制力最好嘅WM1ZM2同DMP Z1，加上Sony嘅調音為UM MAX人聲上潤色不少。試過交320 max 或者上A6 Pro都係唔多夾，係一隻好挑前端嘅耳機

隻耳膠幾趣緻！