iBasso PB5 膽擴開箱，香港第一部（應該係 XD）

煲機約十零粒鐘後嘅初步感想：  

膽味非常濃厚，醇厚順滑，動態大左，低音、音場澎湃左，但又唔粗聲，女聲氣息情感起伏感覺明顯左，大場面中高樂器效果聲磨滑 d 角（唔係 cut，質感感覺似擴散變為反射，似聽大喇叭），聽感非常舒服。  

非常重要嘅係部 PB5 完全唔熱，煲機期間係同部 DX320max 叠埋一齊，噚晚煲左約六個幾鐘，到部 320max 無電，而 PB5 完全係凍嘅，相信夏天長用都無問題。  

亦唔係無缺點，就係部機無電量顯示，全部機得一粒藍色 LED，快無電就閃，所以你唔會知部機仲有幾多電，另外比較左幾次，PB5 剛開機要暖機（約十分八分鐘）至到較佳狀態（呢樣好多機都係咁）  

暫時嘅結論：部機係六折 $6999 換入，但以聲論價，可以講超值，個人覺就算以正價購入都唔算過份（不過當然越平越好啦）

另外收到國內朋友消息，D16 已出貨。

呢部如果本身有Max 買會平好多。變左如果本身無Max，就會有d唔捨得原價入手

多謝樓主用心出 Post 分享

PB5 約煲機五十粒鐘報告：

音場闊厚（但又唔太高），聲底醇厚、大氣、從容；大動態下聽演唱會男女聲都不溫不火，情感十足；樂器層次表現分明。

老老實實，部 PB5 夾 DX320max 有無加乘我唔敢講，但就好肯定對比單機聽感有「極大」嘅提升，個人覺得而家至係 320max 完全版。