Cayin n3pro 升級 + KAEI Tap 2 小林胆擴

誰明浪子心 發表於 2022-10-29 21:33
除了油浸過機缐，仲有無其他推介下呢？

今日見到有ching 用法國佬銅銀

先試一下OPA2604AP，這個組合出來的聲音圓潤微暖，在電子管模式下用來聽人聲韻味十足。要數缺點的話，就是OPA2604AP不是高分析力取向，但聽得電子管，多數也是重樂感韻味多於高清分析吧。

我都換咗8920但聽感無用係其他膽機咁好，比較散，一陣再試吓粒mues02 睇下先，粒2228未到

昨天收貨，試耳擴梗係攞對至愛的er4s來試
聽感都幾滿意，推得出er4s要餵飽才會有的厚度及動態。
膽模式下人聲或小品幾好聽，線條較幼滑，有質感。
但膽模式下動態有所壓抑，速度較慢，欠刺激感，聽交響樂等純音大棚野，關掉會較合適

Johnnychu 發表於 2022-10-31 11:37
昨天收貨，試耳擴梗係攞對至愛的er4s來試
聽感都幾滿意，推得出er4s要餵飽才會有的厚度及動態。
膽模式 ...

好奇一問, 胆擴關掉胆模式... 是什麼玩法?

0186 發表於 2022-10-31 14:35
好奇一問, 胆擴關掉胆模式... 是什麼玩法?

有切換電子管模式開關鍵，可以關閉電子管

Johnnychu 發表於 2022-10-31 14:55
有切換電子管模式開關鍵，可以關閉電子管

我知可以關閉電子管, 但咁會失去左 "胆擴" 既原意嗎?

0186 發表於 2022-10-31 16:33
我知可以關閉電子管, 但咁會失去左 "胆擴" 既原意嗎?

其實設計者整個電子管開關，就是要可適配不同類型音樂及不同使用者口味，概然部機有此設計為何不用呢？
好似Ａｋ部sp2000t咁，除左可開関電子管模式，更可揀多級電子管介入程度，亦是同一道理。

AD797(留意AD797本身是貼片單運放，所以一定要加轉接板將2粒貼片變成雙運放才可以在「小林」上使用)偏中低頻取向，有著低噪低失真的特性，在「小林」上人聲輕微靠前，除了高頻有點延伸不足，也不失是一個好選擇。

今晚換咗隻Muses02，過機線就用條油浸線，加條隱藏線同對Hook X去聽真心覺得好正，要高清有高清，分離度好正，人聲又舒服，低音又夠沉，如果有呢個配搭嘅師兄可以一試，不過呢個都係我個人嘅感覺，只係想分享下比大家參考

Jpwinson 發表於 2022-10-31 21:25
今晚換咗隻Muses02，過機線就用條油浸線，加條隱藏線同對Hook X去聽真心覺得好正，要高清有高清，分離度好 ...

我反而覺得Muses 02個分離度太好，減弱左個胆味。不過每個人喜歡既調音都唔同，重要既部機可以轉opamp來調音，慢慢試就總會搵到最岩自己聽既調音。

leungleung1234 發表於 2022-10-31 21:41
我反而覺得Muses 02個分離度太好，減弱左個胆味。不過每個人喜歡既調音都唔同，重要既部機可以轉opamp來 ...

係呀其實佢嘅分離度係勁好多同高清,不過低音又夠沉所以換嚟玩住下先,等粒2228到咗再試吓

電子管易受干擾，所以我加左塊原本比手機用既防干擾防磁貼係面蓋底，成本5蚊，一試無妨。

leungleung1234 發表於 2022-10-31 22:33
電子管易受干擾，所以我加左塊原本比手機用既防干擾防磁貼係面蓋底，成本5蚊，一試無妨。
...

師兄呢個係咪真係得,好提議喎,如果得嘅話我都買返張玩吓

Jpwinson 發表於 2022-10-31 23:27
師兄呢個係咪真係得,好提議喎,如果得嘅話我都買返張玩吓

感覺有少少幫助，唔排除係因為腦放

原裝配置下略覺高頻伸延唔係好夠，線條唔夠立體，但勝在整體夠平均，兼三頻平衡，有少少肉地，夠耐聽。
本人偏愛幼滑細緻中高頻，就換粒主打中高頻兼富甜度的opa2111kp玩下
聽感是整體聲音細緻左，線條收緊左利左，低頻亦冇咁散；
聲底個肉地比原配置瘦左，顯得比較骨感，個人就幾岩聽，但未必人人喜歡。

PS.部機個運放插座勁緊，好鬼難拔出來，唔知其他師兄有冇呢個問題？

死火！換左粒2111kp落去之後，呢個配置越聽越好聽，被點中死穴，欲罷不能。
當然前題你要鍾意er4果種聲底，er4被正常發揮下，真係可以好鬼好聽

Johnnychu 發表於 2022-11-1 00:10
原裝配置下略覺高頻伸延唔係好夠，線條唔夠立體，但勝在整體夠平均，兼三頻平衡，有少少肉地，夠耐聽。
...

我個部唔覺運放插座勁緊，不過我通常都用呢款IC夾(以前係淘寶買運放送既)黎換運放，會方便少少咁。

leungleung1234 發表於 2022-11-1 22:00
我個部唔覺運放插座勁緊，不過我通常都用呢款IC夾(以前係淘寶買運放送既)黎換運放，會方便少少咁。{:4 ...

呢個好似幾好用，揾下香港Ｄ零件舖有冇先，tks

Johnnychu 發表於 2022-11-1 23:39
呢個好似幾好用，揾下香港Ｄ零件舖有冇先，tks

好似唔錯, 而家見送既都係膠夾
我都用一字批整鬆少少後, 直接用手拔出來就算