本帖最後由 leungleung1234 於 2023-1-6 20:38 編輯
早前訂既2022 BSA 壓軸耳機升級線終於到貨,等我黎個簡單開箱先。
線材
我問過線材主要係單晶銅 + 鍍鈀,呢條線比較特別之處係分線位到DAP插口位都係採用包網設計。
聽感
條線一聽就覺得背景好靜(呢個唔知關唔關包網事),另外個層次感好唔錯,人聲同音樂唔會炒埋一碟,係聽慢歌時d人聲尾音會有種潮水慢慢散去既fade out感覺,感覺好特別。
個人配搭
我自己就用佢夾Timeless AE 平板耳機,人聲唔會太過埋身,聲音亦唔會太衝,係一個耐聽組合。
缺點
要講缺點的話就係包網後既線身有點硬,如果有辦法可以包網得來線身軟番d就更好。
=== 最後想分享一件有關呢條線外號既小趣聞,呢條線其實有個非官方外號叫「隆輪線」。「隆」有「生意興隆」既意思,而「輪」就有貨如輪轉既意思,係一大班師兄們閒談時BrainStorm出來的喔 ===
|