28mart新線：液態氮單晶銀+油浸銀銅合金 耳機升級線

好耐都冇去巷仔濕平喇，不過今日係幫朋友去買！（難得有現貨），剛剛J完梗係順便上嚟報告一下少少聽感咁…至於條新線用料可能各位師兄都熟悉，只不過今次真係溝埋嚟做瀨尿牛丸吖笨！

D文又係得返頭段，尾果D全部冇哂！真係浪費晒我心機，唯有夜D有時間再後補

由於手頭上玩具不多，只能夠作簡單測試再報告.. 新線明顯係暖底人聲前兼音埸濶，三頻一入耳有明顯提升感，低音亦夠實淨屬於百搭型線材類別！用平價Kz edx耳機去夾出嚟聲底厚返多少，音埸濶咗一圈聲絕對唔差！D人成日話鼓油貴過鷄嘅道理真係各有各玩同埋要夾過先會知道，新線調音比起手頭上前期旗艦線大水喉可以叫各有特色，細節比較大水喉上會少D但人聲較潤同有少少味精／空間感更為突出，個人幾推介呢條近期新作，巷仔已經有demo各師兄不防落去一試….

兩條線 2合1?

大耳牛用家 發表於 2024-3-19 12:48
兩條線 2合1?

無錯，倆款線基之前巷仔已經出過嘅…. 至於做法唔係混絞編織焊接而係由分線器位置上造一個倆種線基拚接吧！

咁有趣要去試下先，不知聲音倾向那一邊

2 pin 太粗啦

Ray 發表於 2024-3-19 22:37
2 pin 太粗啦

收到，呢款紫銅2pin針會比較緊少少，但因為暫時只有一家供應商，所以可能要幫你換其他款/品牌嘅2pin插針，師兄請見諒

28mart瘦佬 發表於 2024-3-19 23:38
收到，呢款紫銅2pin針會比較緊少少，但因為暫時只有一家供應商，所以可能要幫你換其他款/品牌嘅2pin插針 ...

明白,我不會換了.

試下demo先，岩聽就最多買埋轉插！(demo唔好咁都賣走~)

Alison 發表於 2024-3-22 23:25
試下demo先，岩聽就最多買埋轉插！(demo唔好咁都賣走~)

其實插唔到都係某D品牌個别耳機！尤其係新買果D耳機插頭一定比較實…. 呢條巷仔有demo可以帶埋自己耳機去試咗夾過先再決定，唔一定要買埋轉插先用到的

Kaleong1981 發表於 2024-3-22 23:43
其實插唔到都係某D品牌個别耳機！尤其係新買果D耳機插頭一定比較實…. 呢條巷仔有demo可以帶埋自己耳機去 ...

係呀，到時試岩再睇有無3.5版！

我試過demo 仲訂左條。
試過夾對raptgo bridge 會多返味精

之前落左後巷試條拼接油浸，呢條線唔係玩解像，聲係 W 型，喺 Bass、人聲同樂器效果聲段增強，增強位置係球狀顯現，所以成首歌聽落就唔同晒，動感十足，低音呈現立體，人聲滑到大媽都變幼女，效果聲喺耳邊出現，又無磨晒 d 細節，但鍾意原汁原味嘅呢條線就未必會啱聽，因為佢加嘅唔係味精而係春藥，玩味十足，極之好玩，當時已即時訂一條。


感覺條線會對 d 鑑聽向，又或者解像唔高嘅耳機會幾夾，所以就夾對 ibasso 大圈，試機試左幾首歌，全部都覺得好好玩，聽 idol 好似變左第二個混音版本咁，真係天作之合。